ქართველ დეპუტატს არაბთა გაერთიანებულ საამიროებში დაუსწრებლად 15-წლიანი პატიმრობა მიუსაჯეს. ინფორმაციას გამოცემა ,,გალფნიუსი” ავრცელებს.

,,პატრიოტთა ალიანსის” წევრს და შპს ,,რაკიინ დეველოპმენტის” ყოფილ დიერქტორ გელა მიქაძეს ფულადი სახსრების მითვისებაში ედება ბრალი.

ანალოგიური ვერდიქტი გამოუტანეს ამავე კომპანიის კიდევ ორ ყოფილ ხელმძღვანელს-ხატერ მასაადსა და გიორგი ჯანაშიას, სამივე მათგანს ჯარიმის სახით ჯამში 17 მილიონი დოლარის გადახდაც დაეკისრათ.

დავის საგანია 2010-11 წლებში ფოთის საზღვაო პორტსა და ახლად შექმნილ კომპანია ,,რეისტარ თრეიდს” შორის ერთობლივი საწარმოს შესაქმნელად შეთახმების დადება და შემდეგ გაუქმება.

,,მოამბეთან” სატელეფონო ინტერვიუში მიქაძე ამბობს, რომ საუდის არაბეთში მის წინააღმდეგ სასამართლო დავის შესახებ ინფორმირებული არ ყოფილა.

მისივე განმარტებით, კომპანია 2010 წელს გაყიდა და მის გარშემო კითხვის ნიშნები არ არსებობდა. სავარაუდოდ, ამავე საქმეზე თითქმის ოთხი წლის წინ გელა მიქაძეს საქართველოს ფინანსთა სამინისტროს საგამოძიებო სამსახურიც ედავებოდა.