დღეიდან, დასავლეთის მიმართულებით მოძრავი ავტოტრანსპორტი (ქუთაისი-სამტრედიის მიმართულებაზე ) ძველი თბილისი-სენაკი-ლესელიძის საავტომობილო გზის გამოყენებით იმოძრავებს.

აღმოსავლეთის მიმართულებით მოძრაობა განხორციელდება ცალმხრივად. მიზეზი თბილისი-სენაკი-ლესელიძის საავტომობილო გზის ქუთაისის შემოსავლელი–სამტრედიის მონაკვეთზე საგზაო მოძრაობის უსაფრთხოების დამატებითი ღონისძიებების სამუშაოების გატარებაა, რომელიც მოიცავს: გარეგანათების ქსელის, ხმაურიანი ზოლების და დამატებითი საგზაო ნიშნებისა და ვიდეო–სამეთვალყურეო სისტემის მოწყობას.