ურთიერთბრალდებების ახალი ტალღა ფარცხალაძე-თორდიას შორის. გენერალური აუდიტორი შინაგან საქმეთა სამინისტროს მტკიცებულებების გაყალბებაში ადანაშაულებს და ყოფილ მთავარ პროკურორსა და მის გარემოცვას 13 მაისის ინციდენტის თვითმხილველებზე ზეწოლაში ადანაშაულებს.

აუდიტის სამსახურის უფროსი ძალაში ტოვებს მუხლის გადაკვალიფიცირების და სათვალთვალო კამერების ჩანაწერების გასაჯაროების მოთხოვნასაც.

ამ განცხადებამდე გენერალურ აუდიტორს ოთარ ფარცხალაძის ადვოკატებმა მოწმეებზე გავლენაში დასდეს ბრალი.

როგორც დღეს ირკვევა, 13 მაისის ინციდენტზე გამომძიებლებმა ფინანსური პოლიციის წარმომადგენელი მიხეილ ჩოხელი და ფარცხალაძის დაცვის წევრებიც გამოკითხეს. ძიება გრძელდება.