ამერიკის შეერთებული შტატების იუსტიციის დეპარტამენტმა წინასაარჩევნო კამპანიის პროცესში რუსეთის შესაძლო ჩარევის საკითხის გამოძიებისთვის სპეციალური პროკურორი დანიშნა.

BBC-ის ინფორმაციით, რობერტ მიულერი გამოძიების ფედერალური ბიუროს ყოფილი დირექტორია, რომელიც უწყებას 2001-2013 წლებში ხელმძღვანელობდა.

მის დანიშვნას მიესალმნენ როგორც რესპუბლიკური, ასევე დემოკრატიული პარტიის წარმომადგენლები. თავის მხრივ რობერტ მიულერმა პირობა დადო, რომ დაკისრებული ვალდებულების შესასრულებლად საკუთარი შესაძლებლობების მაქსიმუმს გააკეთებს.