ამ წუთებში ბათუმის საქალაქო სასამართლოში ბათუმის 11-12 მარტის მოვლენებთან დაკავშირებით აღძრული სისხლის სამართლის საქმეზე დაკავებული 7 პირის საქმის არსებითი განხილვა იწყება. დღეს პროცესი 8 პირის საქმეზე უნდა გამართულიყო, თუმცა ერთი მათგანი სხდომაზე არ იმყოფება, სასამართლო მის მიმართ ფსიქიატრიული ექსპერტიზის დასკვნას ელოდება.

დაკავებულებს ბრალი სისხლის სამართლის კოდექსის 225-ე მუხლით ედებათ, რაც მასობრივი ძალადობის ორგანიზებას, პოლიციასა და სახელმწიფო უწყებებზე თავდასხმას გულისხმობს.

ამავე ბრალდებით ბათუმის მოვლენებთან დაკავშირებით, წინასწარ პატიმრობაში სულ 20 პირი იმყოფება. 9 პირთან დაკავშირებით საქმის არსებითი განხილვა 19 მაისს არის ჩანიშნული, მოგვიანებით დაკავებული მერაბ ღოღობერიძისა და ირაკლი ჩხვირკიას საქმეზე კი სასამართლო პროცესი 20 ივნისს განახლდება.