პრეზიდენტის პრესსპიკერის ეკა მიშველაძის განცხადებით, საკონსტიტუციო პროცესის მიმართ ძალიან მაღალია საზოგადოებრივი ინტერესინ და უნდა შეიქმნას საერთო ეროვნული თანხმობის და არა ნულოვანი კონსესუსის დოკუმენტი.
„კონსტიტუციის საერთო სახალხო განხილვებისას მიმდინარე მოვლენებმა ცხადყო, რომ საკონსტიტუციო პროცესის მიმართ ძალიან მაღალია საზოგადოებრივი ინტერესი. საკონსტიტუციო ცვლილებების მიმართ კი, დამოკიდებულება არაერთგვაროვანია. შესაბამისად, მივიჩნევთ და ამის შესახებ პრეზიდენტს განცხადება არაერთხელ გაუკეთებია, რომ ყველამ ერთად უნდა შევძლოთ და გამოვნახოთ გზა, რათა შეიქმნას საერთო ეროვნული თანხმობის და არა ნულოვანი კონსესუსის დოკუმენტი.
პრეზიდენტი და მისი ადმინისტრაცია როგორც ამ დრომდე, მომავალშიც განაგრძობენ საზოგადოებასთან აქტიურ კომუნიკაციას და კონსტიტუციის განხილვებში ხალხის მაქსიმალურ ჩართულობას. აქვე, მინდა გაუწყოთ, რომ სწორედ ეს იყო ვენეციის კომისიის ერთ-ერთი მთავარი რეკომენდაცია. კომისიის თავმჯდომარის აზრით, მნიშვნელოვანია, რომ ყველა მხარე შეთანმხდეს დოკუმენტის მთავარ საკითხებზე და საბოლოოდ შეიქმნას კონსესუსური, საზოგადოებრივ-პოლიტიკური თანხმობის, რაც მთავარია ქვეყნისთვის ყველაზე თავსებადი მთავარი კანონი.
მოგეხსენებათ, პრეზიდენტის საპარალამენტო მდივანი და უშიშროების საბჭოს მდივნის მოადგილე იმყოფებოდნენ ვიზიტით სტრასბურგში. ჯანი ბუკიკიოსთან შეხვედრაზე, მათ განიხილეს ყველა ის სადაო ცვლილება, რომელიც იგეგმება კონსტიტუციაში, - განაცხადა მიშველაძემ.