16 მაისი, 2017
•ყოფილი მთავარი პროკურორის ოთარ ფარცხალაძის ადვოკატები 13 მაისს მომხდარი ინციდენტის დოკუმენტურ მასალას გაასაჯაროვებენ.

•გენერალური აუდიტორის დაკითხვა სავარაუდოდ დღეს განახლდება.

•ახალგაზრდა იურისტთა ასიციაცია, პროკურატურას მთავარი აუდიტორის საქმის გადაკვალიფიცირებას და გამოძიების სრულყოფილად და მიუკერძოებლად ჩატარებისკენ მოუწოდებს.

•საპარლამენტო უმრავლესობა გენერალური აუდიტორის ლაშა თორდიას ცემის ფაქტთან დაკავშირებით პარლამენტის დროებითი საგამოძიებო კომისიის შექმნას მხარს არ დაუჭერს.

•სამართალდამცავებმა საქართველოს პრეზიდენტის შვილის, ანა მარგველაშვილის კიდევ ერთი მეგობარი, თორნიკე კაჭარავა დააკავეს.

•მტკვრის მარჯვენა სანაპიროზე ერთმანეთს 3 ავტომანქანა შეეჯახა, დაშავებულია 3 ადამიანი, მათ შორის მცირეწლოვანი.

•რუსეთის საგარეო საქმეთა სამინისტრო რუსეთის მოქალაქეებს იმ რისკების ზედმიწევნით შეფასებისკენ მოუწოდებს, რაც შესაძლოა საქართველოში გამგზავრებასთან იყოს დაკავშირებული.

•ე.წ. საზღვრის უკანონო გადაკვეთის ბრალდებით დაკავებული ოთხი პირი გათავისუფლებულია.

•არაღიარებული მთიანი ყარაბაღის ე.წ. თავდაცვის უწყება კონფლიქტის ზონაში, შეხების ხაზთან მომხდარ ინციდენტს ეხმაურება და აზერბაიჯანულ მხარეს პროვოკაციულ ქმედებებში ადანაშაულებს.

•საკანონმდებლო ორგანოში ფრაქცია ქართული ოცნების დახურული სამუშაო შეხვედრა გაიმართა.

•უმრავლესობის რიგებში არიან მაჟორიტარი დეპუტატები, რომლებიც მხარს არ უჭერენ პროპორციულ სისტემაზე გადასვლას.

•საკონსტიტუციო ცვლილებების პაკეტის განხილვა ისევ გაგრძელდება.

•საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე დღეს საქართველოს ენერგეტიკისა და წყალმომარაგების მარეგულირებელი ეროვნული კომისიის საქმიანობის შესახებ 2016 წლის წლიურ ანგარიშს კენჭს უყრიან.

•ყაზბეგსა და მთიულეთში მაღალი ძაბვის ელექტროგადამცემი ხაზების გაყვანასთან დაკავშირებით საპატრიარქო განცხადებას ავრცელებს.

•საქართველოს პრეზიდენტმა სლოვაკეთის რესპუბლიკაში ოფიციალური ვიზიტის ფარგლებში გამართული შეხვედრები შეაჯამა და აღნიშნა, რომ სლოვაკ კოლეგებთან ევროპასა და ნატო-ში ინტეგრაციის საკითხები განიხილა.

•საფრანგეთი და გერმანია