თურქეთში მომხდარი ავტოავარიის შედეგად გარდაცვლილთა იდენტიფიცირება დასრულებული არ არის, თუმცა თურქული მედიის ინფორმაციით, გარდაცვლილებს შორის მხოლოდ თურქეთის მოქალაქეები არიან.

Dailysabah-ის ინფორმაციით, მიკროავტობუსი, რომელსაც თურქი ტურისტები გადაჰყავდა, გზიდან გადავიდა და ამოტრიალდა, შედეგად გარდაიცვალა 20 ადამიანი და მძიმედ დაშავდა - 11.

პოლიციამ გზა გადაკეტა. ადგილზე სამაშველო სამსახურის თანამშრომლები მუშაობენ.

როგორც Dailysabah-ი წერს, მგზავრების უმრავლესობა ქალები და ბავშვები იყვნენ, რომლებიც თურქეთის ქალაქ იზმირიდან მარმარისის კურორტზე მიემგზავრებოდნენ.

საზოგადოებრივი თურქეში საქართველოს საკონსულოსთან დაკავშირებას ცდილობს და დეტალურ ინფორმაციას მოგვიანებით მოგაწვდით.


წყარო: Dailysabah