ამერიკის შეერთებულ შტატებში ვიზიტის შემდეგ, პალესტინის მთავრობის მეთაური მაჰმუდ აბასი ვლადიმერ პუტინს შეხვდა.
რუსეთის პრეზიდენტმა აბასს სოჭში უმასპინძლა. საუბრის მთავარ თემას ისრაელი-პალესტინის კონფლიქტის დეტალები, ასევე პალესტინელებისთვის არსებული პრობლემები და გამოწვევები წარმოადგენდა. შეხვედრამდე რამდენიმე წუთით ადრე ორივე ლიდერი ტელეხიდის საშუალებით ბეთლებში კულტურულ-სპორტული კომპლექსის გახსნას დაესწრო. კომპლექსის მშენებლობა რუსეთის მთავრობამ დააფინანსა.
აბასთან შეხვედრამდე ერთი დღით ადრე ვლადიმერ პუტინი ისრაელის პრემიერ-მინისტრ ბენამინ ნეთანიაჰუს ტელეფონით ესაუბრა. მაჰმუდ აბასი კი 4 მაისს ვაშინგტონში შეერთებული შტატების პრეზიდენტს შეხვდა. დონალდ ტრამპმა პირობა დადო, რომ ამერიკა მზად არის, ისრაელი-პალესტინის კონფლიქტში მედიატორის მისია შეასრულოს.
1991 წელს მადრიდის კონფერენციის სახელით ცნობილ ისტორიულ შეხვედრაზე ისრაელი-პალესტინის კონფლიქტის ზედამხედველობის სპეციალური ჯგუფი, - ახლო აღმოსავლეთის კვარტეტი დაარსდა. კვარტეტი გაეროს, ამერიკის შეერთებულ შტატებს, ევროკავშირსა და რუსეთს აერთიანებს, რომელის მთავარი მიზანი ისრაელი-პალესტინის კონფლიქტის მონიტორინგია.