მესამე სექტორის პროტესტის მიუხედავად, უზენაესი სასამართლოს თავმჯდომარის მოადგილე მიხეილ ჩინჩალაძე სააპელაციო სასამართლოში უვადოდ დაინიშნა.
უფლებადამცველების მთავარი არგუმენტი ჩინჩალაძის მიერ, ბოლო 10 წელში განხილული საქმეების სიმცირე იყო, თუმცა ეს გარემოება დამაბრკოლებელი არ აღმოჩნდა იუსტიციის უმაღლესი საბჭოსთვის, რომელმაც 87 ვაკანტური ადგილიდან 77-ი უკვე შეავსო.
კონკურსი წარუმატებელი აღმოჩნდა გირგვლიანის საქმის მოსამართლე გიორგი ჩემიასთვის, რომელმაც ფარულ კენჭისყრაზე საკმარისი ხმები ვერ დააგროვა.
ახლა მთავარ ინტრიგად რჩება, რა გადაწყვეტილებას მიიღებს საბჭო სანდრო გირგვლიანის საქმის კიდევ ერთი ცნობილი მოსამართლის-ლევან მურუსიძის მიმართ, რომელსაც უფლებადამცველების მწვავე ბრალდებების და კრიტიკის ფონზე, ასევე უვადო მოსამართლეობა სურს.