კონსტიტუციაში შესატანი სადავო ცვლილებები ამჯერად პრეზიდენტის ადმინისტრაციაში განიხილეს.
ავლაბრის სასახლემ საკონსტიტუციო ცვლილებებისა და უსაფრთხოების საკითხებთან დაკავშირებულ კონფერენციას უმასპინძლა.
გამოსვლის დროს გიორგი მარგველაშვილმა პროექტის იმ ნაწილზე გაამახვილა ყურადღება, რომლის მიხედვით, უშიშროების საბჭო უქმდება და მის ნაცვლად თავდაცვის საბჭო იქმნება.
პრეზიდენტის თქმით, შეთავაზებული ცვლილებებით ქვეყნის მთავარსარდალი უფუნქციოდ რჩება, რაც ქვეყნის წინაშე მდგარი გამოწვევების გათვალისწინებით საფრთხისშემცველია.
სახელმწიფოს მეთაურის პოზიციას ეთანხმება ოპოზიციაც.
მმართველ გუნდს პრეზიდენტის ადმინისტრაციაში საპარლამენტო უმრავლესობის ლიდერი წარმოადგენდა. კონფერენციას დიპლომატები და არასამთავრობო ორგანიზაციების წარმომადგენლებიც დაესწრნენ.