საფრანგეთის საპრეზიდენტო არჩევნებში ცენტრისტი კანდიდატის, მანუელ მაკრონის გამარჯვების შემდეგ ევრო ბოლო ექვსი თვის რეკორდულ მაჩვენებელზე გამყარდა და ფინანსურ ბაზრებზეც, გლობალურ დონეზე, ზრდა დაფიქსირდა.

ანალიტიკოსები თვლიან, რომ ინვესტორებმა შვებით ამოისუნთქეს, რადგან ბრიტანეთის ევროკავშირიდან გასვლისა და ამერიკაში დონალდ ტრამპის გაპრეზიდენტების მსგავსი შოკური სიურპრიზის რისკი მოიხსნა.

ევროზონის ერთიანი ვალუტის ევროს კურსი დოლარის მიმართ ერთ დოლარსა და 10 ცენტზე დაფიქსირდა, ხოლო ევროპის ფინანსურ ბაზრებზე წამყვანი ინდექსების საშუალო ზრდამ საფრანგეთში 0.9 პროცენტი შეადგინა.ზრდა ასევე დაფიქსირდა აზიისა და ამერიკის ბირჟებზეც.