კიევში ევროვიზია 2017 ოფიციალურად გაიხსნა. ტრადიციულად, საზეიმო ცერემონიის დაწყებამდე, ევროფესტივალის მონაწილეებს წითელ ხალიჩაზე ხვდებიან.

2017 წლის ევროვიზიის სიმღერის კონკურსში, საქართველოს წელს თამარა გაჩეჩილაძე წარადგენს. საქართველოს დელეგაციასთან ერთად, მომღერალი წითელ ხალიჩაზე გულშემატკივრებისა და მედიის წინაშე უკვე წარდგა.

ქართველი მომღერალი ევროფესტივალის პირველ ნახევარფინალურ შოუზე, 9 მაისს მეორე ნომრად გამოვა.

შოუს პირდაპირ ტრანსლაციას საზოგადოებრივი მაუწყებლის პირველი არხი შემოგთავაზებთ.