ევროკომისარმა შეხვედრა პარლამენტის თავმჯდომარის პირველ მოადგილესთანაც გამართა. განხილვის ერთ-ერთი თემა საკონსტიტუციო ცვლილებების პროექტი და საჯარო განხილვების საკითხი იყო.

პროცესში პარლამენტის თავმჯდომარისა და პრეზიდენტის ჩართულობა, თამარ ჩუგოშვილის განცხადებით, ევროკომისარმა პოზიტიურად შეაფასა.

იოჰანეს ჰანი დღეს საგარეო უწყების ხელმძღვანელსაც შეხვდა. მიხეილ ჯანელიძემ სტუმართან ევროინტეგრაციის გზაზე მიღწეულ შედეგებზე, გეგმებსა და სამომავლო თანამშრომლობაზე ისაუბრა.

დღესვე ხელი მოეწერა საფინანსო შეთანხმებას, რომლის საფუძველზე ევროკავშირი გამოყოფს 32 მილიონ ევროს ასოცირების შეთანხების განხორციელების მხარდასაჭერად.