ვლადიმერ ხინჩეგაშვილი ევროპის ჩემპიონია. თავისუფალი სტილით მოჭიდავე ქართველმა ფალავანმა 61 კილოგრამ წონით კატეგორიაში, გადამწყვეტ ფინალურ ორთაბრძოლაში რუსი მეტოქე ახმედ ჩაკაევი 10:9 დაამარცხა და ევროპის ჩემპიონის ტიტული ზედიზედ მეორედ მოიპოვა.

სერბეთის ქალაქ ნოვი სადში მიმდინარე ევროპის ჩემპიონატზე საქართველოს ნაკრების ანგარიშზე უკვე ერთი ოქროს და ორი ბრინჯაოს მედალია.

დღეს მედლების კომპლექტი 70 და 125 კილოგრამ წონით კატეგორიებში გათამაშდება. საქართვცელოს სახელით დავით ტლაშაძე და გენო პეტრიაშვილი იასპარეზებენ.