პუტინის მხარდამჭერი ღამის მგლები 9 მაისს თბილისში პერფორმანსს, სავარაუდოდ, ვეღარ მოაწყობენ.

რუსი ბაიკერები საზღვრიდან უკან გააბრუნეს. გადაწყვეტილებას წინ საზოგადოების მწვავე კრიტიკა და სოციალურ ქსელში გავრცელებული პეტიცია უძღოდა.

საქართველოზე გაკეთებული სკანდალური განცხადებების და კრემლის ანექსიური პოლიტიკის მხარდაჭერის გამო, ბაიკერთა კლუბისთვის ევროპის რამდენიმე ქვეყნის საზღვრებიც ჩაკეტილია.

ჯერ კიდევ 2015 წელს, თბილისში ე.წ. გეორგიევსკის ლენტებით შემოსული მგლების ვიზიტი ფიზიკური დაპირისპირებით დასრულდა. 50-მდე ბაიკერის გაბრუნების მიუხედავად ირკვევა, რომ კლუბის რამდენიმე წევრმა საქართველოში შემოსვლა მაინც მოახერხა.