„ჯორჯიან უოთერ ენდ ფაუერი“ გლდანი-ნაძალადევის რაიონში ორ მასშტაბურ პროექტს ასრულებს. ნაძალადევის რაიონში, ავშნის და ნუშის ქუჩებზე, სადაც დღემდე პრაქტიკულად არ არსებობდა წყალმომარაგების სისტემა, კომპანიამ 5 კმ-ზე მეტი სიგრძის წყალსადენის მაგისტრალური ქსელი მოაწყო.

პარალელურად, გლდანის რაიონში, ბერთუბნის დასახლებაში ,,ჯორჯიან უოთერ ენდ ფაუერმა“, წყალმომარაგების გაუმჯობესების მიზნით, წყალსადენის მაგისტრალური ქსელის 3 კმ-მდე სიგრძის მონაკვეთი ახლით შეცვალა.

სამუშაოების დასრულების შემდეგ, დაიგება ასფალტის ახალი საფარი. კომპანია 2017 წელს 200-ზე მეტ ქუჩაზე 170 კმ ქსელს განაახლებს.