იუსტიციის უმაღლესი საბჭო მოსამართლეების უვადოდ გამწესების საკითხზე მსჯელობას მომავალ კვირას განაგრძობს.
იუსტიციის საბჭოს წევრებმა მხარი დაუჭირეს ევა გოცირიძის ინიციატივას, რომლის მიხედვითაც უზენაესი სასამართლოს ყოფილი მოსამართლეები ვინც გამოსაცდელი ვადით არიან დანიშნული, მოსამართლის თანამდებობაზე ავტომატურად უვადოდ გამწესდნენ.
საბჭოს ერთადერთი წევრი, რომელმაც ამ ინიციატივას მხარი არ დაუჭირა ვახტანგ მჭედლიშვილია, პრეზიდენტის წარმომადგენელს მიაჩნია, რომ ვინ გამოსაცდელ ვადაში მუშაობს ამ ვადის ამოწურვამდე უვადოდ არ უნდა გამწესდეს.
"თუ ჩვენ უვადოდ გადანიშვნაზე ვსაუბრობთ, მაშინ კანონს უკუქცევითი ძალა უნდა ჰქონდეს, ამ შემთხვევაში ნორმას არ აქვს უკუქცევითი ძალა. თუ ინიციატივა რეალობად იქცევა, სამართლებრივი კოლიზია შეიქმნება", - განაცხადა ვახტანგ მჭედლიშვილმა.