საქართველოს მთავარი პროკურატურა ყაზახეთის რესპუბლიკის გენერალური პროკურატურის დელეგაციას მასპინძლობს, რომელსაც ყაზახეთის გენერალური პროკურორი ხელმძღვანელობს.
მთავარ პროკურატურაში მიმდინარე შეხვედრა ირაკლი შოთაძემ გახსნა და უწყებებს შორის მომავალში მჭიდრო თანამშრომლობისა და გამოცდილებების ურთიერთგაზიარების მნიშვნელობაზე ისაუბრა.
ყაზახეთის რესპუბლიკის გენერალური პროკურატურის დელეგაციის წევრებს მიეწოდათ ინფორმაცია საქართველოს პროკურატურის სისტემისა და ფუნქციების, უწყებაში ბოლო პერიოდში გატარებული ძირითადი რეფორმების შესახებ. ასევე, სისხლის სამართლის საპროცესო კანონმდებლობის ძირითად პრინციპებსა და დანაშაულის გამოძიების, სისხლისსამართლებრივი დევნისა და მართლმსაჯულების განხორციელების წესის შესახებ.
საქართველოს მთავარ პროკურატურაში მიმდინარე შეხვედრა ორი დღე გაგრძელდება.