ინგლისის პრემიერლიგის 33-ე ტურის ცენტრალური შეხვედრა იტიჰადზე შედგა. მანჩესტერულ დერბიში ერთმანეთს "სიტი" და "იუნაიტედი" დაუპირისპირდნენ. შეხვედრა როგორც მოსალოდნელი იყო, უშეღავათო და დაძაბული გამოდგა.

არაერთი საგოლე მომენტის მიუხედავად, მატჩში გოლი არ გასულა და ნულოვანი ფრე დაფიქსირდა. აღსანიშნავია, რომ სტუმრებმა თამაში 10 კაცის შემადგენლობით დაასრულეს. 84-ე წუთზე, მთავარმა არბიტრმა მარუან ფელაინი გააძევა მოედნიდან.

დაფიქსირებული შედეგის შემდეგ გუნდებს სატურნირო თვალსაზრისით, ცვლილება არ განუცდიათ. "სიტი" 65 ქულით მეოთხე ადგილზეა, "იუნაიტედს" ერთი ქულით ნაკლები აქვს და კვლავ მეხუთე პოზიციაზეა.

მომდვენო ტურში "მანჩესტერ სიტი", სტუმრად "მიდლსბროს" შეხვდება, ჟოზე მოურინიოს გუნდი კი, საკუთარ ოლდ ტრაფორდზე "სუონსის" უმასპინძლებს.