დადგა დრო, პრაგმატულად მივუდგეთ და შევთანხმდეთ ყველა, რომ ეს რეალური პრობლემაა ჩვენს ქვეყანაში და საჭიროა გადაწყვეტილება მივიღოთ.

დღესდღეობით მიდგომა სამ ჯგუფად იყოფა:
1. პროსტიტუციის სრული აკრძალვა, როცა კანონით კრიმინალიზებულია პროსტიტუციაში მონაწილე ყველა პირი;
2. პროსტიტუციის ნაწილობრივი აკრძალვა და ლეგალიზაცია, ანუ ლეგალიზებულია ოფიციალური საქმიანობა და ისჯება სხვა ფორმით ჩართულობა;
3. პროსტიტუციის სრული ლეგალიზაცია, როცა ბორდელები ღიად საქმიანობენ და იხდიან გადასახადებს.

თუ სრულად ავკრძალავთ პროსტიტუციას და გავამკაცრებთ სანქციებს, ეს ვერ უზრუნველყოფს ამ საქმიანობის რეალურ აკრძალვას და იგი ჩრდილოვნად მაინც გააგრძელებს ფუნქციონირებას, ეს არ არის მხოლოდ ჩემი აზრი, ამაზე მეტყველებს ისტორია. იმ ქვეყნებში, სადაც პროსტიტუცია სრულად კრიმინალიზებულია, პოლიცია ჩვეულებრივ თვალს ხუჭავს ბორდელების და პროსტიტუციის კრიმინალური ქსელის არსებობაზე, ხშირ შემთხვევაში კი, თავად წარმოადგენს ლობს და ჩართულია კორუფციაში.

ვფიქრობ, უმჯობესია მოხდეს პროსტიტუციის ნაწილობრივი ლეგალიზაცია, ანუ ლეგალურად დასაშვებად გამოცხადდეს ოფიციალურად აღრიცხულ ორგანიზაციებში და ყველგან გარდა ამ დაწესებულებებისა ჩაითვალოს კანონდარღვევად.

2014 წელს ევროპარლამენტმა მიიღო რეზოლუცია, რომ პროსტიტუციაზე მოთხოვნა უნდა შემცირდეს მომხმარებლის და არა სექსმუშაკების დასჯით. რეზოლუცია წევრ ქვეყნებს მოუწოდებს, რომ შემუსავებულ იქნას პროსტიტუციის აღკვეთის სტრატეგია და შემოსავლის ალტერნატიული წყარო შესთავაზონ სექსმუშაკებს.

რეალურად ასეა, სადაც არსებობს მოთხოვნა იქ არსებობს მიწოდებაც.

ჩემთვის განსაკუთრებით მტკივნეულია, რომ პროსტიტუციაში ჩართვის წინააღმდეგ კანონმდებლობა ლოიალურია და ეს მიმაჩნია არასწორად.
სისხლის სამართლის კოდექსის 171 მუხლის თანახმად:
არასრულწლოვანი პირის ჩაბმა პროსტიტუციაში ძალადობის ან მოტყუების გარეშე ისჯება თავისუფლების აღკვეთით ვადით 2-დან 5 წლამდე.
სისხლის სამართლის კოდექსის 253 მუხლის მიხედვით:
პროსტიტუციაში ჩაბმა ძალადობით, შანტაჟით ან მოტყუებით ისჯება ჯარიმით ან თავისუფლების აღკვეთით 2 წლამდე.
არასრულწოვნის მიმართ კი 5-დან 7 წლამდე.
სისხლის სამართლის კოდექსის 254 მ

#ირაკლიღლონტი #პოლიტიკა