ენერგეტიკის მინისტრი იმედოვნებს, რომ „ყაზტრანსგაზთან“ დაკავშირებით, შესაძლოა, მოლაპარაკებები შედგეს და საქმე არბიტრაჟამდე არ მივიდეს.

კახი კალაძის თქმით, უკვე მზადდება დოკუმენტები საარბიტრაჟო სასამართლოსთვის, თუმცა საქმე შესაძლოა დავამდე არ მივიდეს.

ყაზახი ინვესტორები საქართველოს მთავრობას საერთაშორისო საარბიტრაჟო სასამართლოში უჩივიან. სარჩელის თანხა 180 მილიონი დოლარია.

დღესვე ცნობილი გახდა, რომ „ყაზტრანსგაზ თბილისს“ დღეს იმაზე მეტი ვალი აქვს, ვიდრე სპეციალური მმართველის დანიშვნამდე ჰქონდა.

კომპანიას, სახელმწიფოს მიმართ 83 მილიონი ლარი მართებს. აქედან ძირი თანხა 56 მილიონი ლარია. თავის დროზე, სწორედ 80 მილიონიანი დავალიანების გამო ჩამოერთვა ყაზახურ მხარეს კომპანიის მართვის უფლება.