საფრანგეთის საგარეო საქმეთა მინისტრი დარწმუნებულია, რომ სირიის მთავრობამ ოთხ აპრილს იდლიბში სწორედ ზარინის მხუთავი გაზი გამოიყენა. ამის შესახებ Reuters ჟან-მარკ ერომ საფრანგეთის სადაზვერვო სამსახურის მიერ მოწოდებულ მასალაზე დაყრდნობით განუცხადა.

მისი თქმით, ეჭვგარეშეა, რომ ხან-შეიხუნში მომხდარ თავდასხმაზე პასუხისმგებლობა ბაშარ ალ ასადის რეჟიმია. იდლიბის პროვინციის ქალაქ ხან-შეიხუნში მეამბოხეებისა და მშვიდობიანი მოსახლეობის წინააღმდეგ თავდასხმა 4 აპრილს განხორციელდა, რის შედეგადაც 72 ადამიანი, მათ შორის 11 ბავშვი გარდაიცვალა.