საქართველოს შეიარაღებული ძალების I ქვეითი ბრიგადის მე-12 ბატალიონის ბრავო ასეულმა ავღანეთში, ნატო-ს ეგიდით მიმდინარე მტკიცე მხარდაჭერის მისიის შესრულება ოფიციალურად დაიწყო.

უფლებამოსილების გადაბარების ცერემონიალი მტკიცე მხარდაჭერის მისიის შტაბის ბაზაზე - ქაბულში გაიმართა.

მე-12 ბატალიონის ბრავო ასეულმა, როტაციის წესით, I ქვეითი ბრიგადის მე-11 ბატალიონის ალფა ასეული ჩაანაცვლა.

ქართველი სამხედროების ამოცანას მტკიცე მხარდაჭერის მისიის შტაბისა და ძალთა უსაფრთხოების დაცვა წარმოადგენს.

ღონისძიება საქართველოს სახელმწიფო ჰიმნით დაიწყო. ქართველმა და ამერიკელმა სამხედრო მოსამსახურეებმა ერთმანეთს სამახსოვრო საჩუქრები გადასცეს.