აშშ-ში საერთაშორისო სავალუტო ფონდისა და მსოფლიო ბანკის წლიური შეხვედრა გაიმართება.

ქართული მხრიდან შეხვედრაში მონაწილეობას ფინანსთა მინისტრი მიიღებს.

ვიზიტის ფარგლებში, დიმიტრი ქუმსიშვილი შეხვედრებს გამართავს საერთაშორისო საფინანსო ორგანიზაციებისა და ინვესტორი კომპანიების ხელმძღვანელ პირებთან.

აგრეთვე, დაგეგმილია შეხვედრები წლიურ შეხვედრაში მონაწილე მსხვილი ბიზნესის წარმომადგენლებთან.

გარდა ამისა, პირველი ვიცე-პრემიერი საქართველოსა და ევროკავშირს შორის, თანამშრომლობის აქტუალურ საკითხებს ევროკომისიის გენერალური დირექტორატის ხელმძღვანელის მოადგილესთან განიხილავს.