რუსეთსა და თურქეთს შორის ე.წ. სავაჭრო ომის შედეგად, რუსული მარცვლეულისა და მცენარეული ზეთის ექსპორტმა დაახლოებით 1,5 მილიარდი დოლარის ზარალი ნახა. ამასთან, მიუხედავად იმისა, რომ ნახევარი მილიარდი დოლარის მოცულობის თურქული პომიდვრისა და კიტრის ნიშა, რუსულმა პროდუქციამ დაიკავა, იზარალა მომხმარებელმა, რადგან ადგილობრივი ბოსტნეული თურქულზე გაცილებით ძვირია.

ამ დასკვნამდე რუსეთის წამყვანი სახელწმიფო კვლევითი ინსტიტუტები მივიდნენ. ადგილობრივი ექსპერტები თვლიან, რომ საერთო ჯამში ე.წ. სავაჭრო ომი რუსეთს უფრო ძვირი უჯდება, რადგან თურქეთს აქვს საშუალება რუსული მარცვლეული უკრაინულით ჩაანაცვლოს, რუსეთს კი საექსპორტოდ განკუთვნილი ხორბლის გასაღება უჭირს.