იტალიის სანაპირო დაცვამ, გასული 24 საათის განმავლობაში, ხმელთაშუა ზღვაში 4500 მიგრანტი გადაარჩინა, რომლებიც გასაბერი ნავების საშუალებით ევროპის სანაპიროებამდე ჩაღწევას ცდილობდნენ.

მიგრანტთა უმეტესობა ზღვაში ლიბიის სანაპიროდან გავიდა. იტალიის სანაპირო დაცვის მონაცემებით, მხოლოდ კვირა დღეს, საერთო ჯამში 35 სამაშველო ოპერაცია განხორციელდა. ერთ-ერთ ნავზე მაშველებმა 7 ცხედარი აღმოაჩინეს, კიდევ 20 დაღუპული ლიბიის სანაპიროებთან გარიყულ ნავზე იპოვეს.

მესაზღვრეები მიგრანტების ნაკადის მატებას გამოდარებას უკავშირებენ. მიმდინარე წლის დასაწყისიდან, ევროპაში ხმელთაშუა ზღვის გავლით 32 ათასამდე ადამიანი ჩავიდა, 665 კი გზაში დაიღუპა.