გარემოსა და ბუნებრივი რესურსების დაცვის მინისტრის გიგლა აგულაშვილმა რუსთავში გამწვანების მასშტაბურ აქციაში მონაწილეობა ქვემო ქართლის გუბერნატორ პაატა ხიზანიშვილთან ერთად მიიღო.

ქარსაფარი ზოლის შექმნის მიზნით, ქალაქის სკვერში ჯამში 1000 -მდე ალვის ხის ნერგი დაირგო, რომელიც რუსთავს სოფლის მეურნეობის სამეცნიერო-კვლევითმა ცენტრმა ჯიღაურას საკოლექციო-სადემონსტრაციო ბაზიდან გადასცა.
აქციაში მონაწილეობა სოფლის მეურნეობის მინისტრის მოადგილემ იური ნოზაძემ, ქალაქის მერიისა და საკრებულოს წარმომადგენლებმა და ადგილობრივმა მოსახლეობამ მიიღეს.