საერთაშორისო ზარების განმახორციელებელი ტრანზიტული ოპერატორები "მაგთიკომს", "ჯეოსელსა" და "მობიტელს" ბაზრიდან გაძევების მცდელობაში ადანაშაულებენ. მიზეზად იმას ასახელებენ, რომ აღნიშნული სატელეკომუნიკაციო კომპანიები, ტრანზიტულ ოპერატორებთან, დღეიდან, ურთიერთჩართვის კავშირის შეწყვეტას გეგმავენ.
ტრანზიტული ოპერატორები აცხადებენ, რომ მობილური კომპანიები არ ასრულებენ კომუნიკაციების მარეგულირებელი ეროვნული კომისიის მოთხოვნებს, რის გამოც შეიძლება საერთაშორისო ზარების განხორციელებისას ბარიერები შეიქმნას.
ფიჭური კავშირგაბმულობის კომპანიებს, ამ ბრალდებებზე, ჯერჯერობით, კომენტარი არ გაუკეთებიათ.