სუპერმარკეტების ქსელ ,,ფრესკოს,, ყოფილი თანამშრომლები შრომითი უფლებების უგულებელყოფასა და პირადი შეურაცხყოფის ფაქტებზე საუბრობენ.
მათი განცხადებით, ობიექტებზე გოგონათა გამოსაცვლელ ოთახებში ვიდეოკამერებია დამონტაჟებული. მონიტორინგის ოთახში შესვლაზე კი წვდომა აქვთ მამაკაცებსაც, მათ შორის დაცვის უფროსს და მის მოადგილეს.
ფრესკოს ყოფილი თანაშრომლები ფარული გადაღებებიდან მოპოვებული ფოტოების საფუძველზე სექსუალური შევიწროების და შანტაჟის ფაქტებზეც საუბრობენ.
გაერთიანებულ პროფკავშირებში აცხადებენ, რომ მოკვლევა თვენახევრის განმავლობაში მიმდინარეობდა, მტკიცებულების მოპოვების შემდეგ კი, საუბარია ტელეფონით გადაღებულ ვიდეოზე.
გაერთიანებულ პროფკავშირებში პირად მონაცემთა დაცვის შესახებ კანონის დარღვევაზე ამახვილებენ ყურადღებას და პესონალურ მონაცემთა დაცვის ინპექტორს და პროკურატურას მიმართავენ.
"ფრესკოში" ბრალდებებს სიცრუეს უწოდებენ და აცხადებენ, რომ კამერები ღიადაა დამონტაჟებული. მიზეზი კი ქურდობის და თანამშრომლებს შორის ფიზიკური დაპირისპირების ფაქტებია.