საკრებულო დავით ნარმანიას მოსასმენად ემზადება. თბილისის მერი დეპუტატების წინაშე ყოველწლიური ანგარიშით უნდა წარდგეს.

წინასწარი განცხადებების მიხედვით, სხდომა დაძაბულ რეჟიმში ჩაივლის. გატარებულ რეფორმებზე და განხორციელებულ პროექტებზე საუბრის გარდა, ქალაქის მთავრობის ხელმძღვანელს ოპოზიციის მწვავე კითხვებზეც მოუწევს პასუხების გაცემა.

ოპონენტები მერს განმარტებებს მოსთხოვენ მოსამართლის ძმისთვის გადაცემულ ქონებაზეც, რის გამოც, დავით ნარმანია საკრებულოში რამდენჯერმე დაიბარეს.