ამერიკის შეერთებულ შტატებში რეკლამას ინტერნეტმომხმარებელთა 61% ენდობა. მაჩვენებელი ბევრად აღემატება წინა გამოკითხვის შედეგებს. სამი წლის წინ ჩატარებული გამოკითხვის თანახმად, ინტერნეტრეკლამას გამოკითხულთა მხოლოდ 50% ენდობოდა.

გამოკითხვაში მონაწილე ინტერნეტმომხმარებელთა განცხადებით, „რეკლამა უფრო პატიოსანი გახდა“. ამასთან, მომხმარებელთა მოთხოვნა იზრდება რეგულაციების მიმართ.

სამ წელიწადში 6%-ით არის გაზრდილი იმ მომხმარებელთა რაოდენობა, რომლებიც მხარს უჭერენ მკაცრი მოთხოვნების დაწესებას რეკლამაში გაჟღერებული ინფორმაციის სისწორეზე. მომხმარებლები ინტერნეტში ყველაზე მეტად ბანერულ რეკლამას ენდობიან.