რას ნიშნავს სტატუსი სასამართლოს მეგობარი - ეს არის პირი, რომელიც არ არის მხარე, თუმცა დაინტერესებულია საქმის საბოლოო შედეგით. სწორედ ამ სტატუსით მიმართავს პრეზიდენტი საკონსტიტუციო სასამართლოს ე.წ. მოსმენების კანონთან დაკავშირებით.

გიორგი მარგევლაშვილის მხარდაჭერას დადებითად აფასებენ სარჩელის ავტორები, თუმცა არასამთავრობოები მიიჩნევენ რომ უმჯობესია პრეზიდენტმა საკუთარი პოზიცია და პროტესტი სარჩელით დააფიქსიროს.

პრეზიდენტის გადაწყვეტილება მოსწონს ოპოზიციასაც. მმართველი გუნდის აზრით კი მარგველაშვილის პოზიცია ადასტურებს, რომ ის მიკერძოებულია.