ეს იყო ტრადიციული მიმართვა პრეზიდენტის და ჩვენ ველოდით ცოტა უფრო მეტ კონკრეტიკას, ცოტა უფრო მეტ დეტალიზაციას და ცოტა უფრო მეტ ობიექტურობას, რაღაც საკითხებში.

იმის თქმა პირველი პირისგან, რომ სასამართლოში არის კრიზისი, არის სრულიად გაუმართლებელი. ასევე ეკონომიკური პროგრესის და თითოეული ოჯახისთვის ამ პროგრესის მნიშვნელობის მინიმიზაცია, არ არის პროგრესული.

ასევე ძალიან მნიშვნელოვანია, რომ რაც შეეხება იგივე სასამართლო რეფორმას, ასევე რეფორმებს ადამიანის თავისუფლებისა და მედიის თავისუფლების მიმართულებით, რასაც ადასტურებს საერთაშორისო ორგანიზაციების ყველა რეიტინგი და ანგარიში , არასაკმარისად შეეხო ქვეყნის პრეზიდენტი, - განაცხადა განათლების მინისტრმა და ვიცეპრემიერმა ალექსანდრე ჯეჯელავამ.