ფასანაურის მოსახლეობის ნაწილი აქციას მართავს და ქსანი-სტეფანწმინდის 500 კვტ-იანი მაღალი ძაბვის გადამცემი ხაზის მსებნებლობას აპროტესტებს.
როგორც აქციის მონაწილეები აცხადებენ, გადამცემი ხაზი სახლების და საძოვრების სიახლოვეს უნდა გავიდეს, რაც მათ ჯანმრთელობას საფრთხეს შეუქმნის. მათივე ინფორმაციით, მშენებლობის პროცესში კლდე უნდა გაიჭრას, რაც ტერიტორიას მეწყერსაშიშ ზონად აქცევს.
შეკრებილები აცხადებენ, რომ კომპანია „ენერგოტრანსს“ მშენებლობის საშუალებას არ მისცემენ.
აქციაზე იმყოფებოან თავად „ენერგოტრანსის“ წარმომადგენლები და მათი მისამართით გამოთქმულ ბრალდებებს უარყოფენ. მათი თქმით, მშენებლობასთან დაკავშირებით, ყველანაირი საბუთი წესრიგშია. რაც შეეხება იმ ადამიანებს, რომელთა სახლების ტერიტორიაზეც გაივლის მშენებლობა, კომპენსაციას მიიღებენ.