2017 წელი წარმატებით დაიწყო ევროპული მსხვილი ავიაკომპანიებისთვის, რომლებიც ბოლო რამდენიმე წლის განმავლობაში დაბალბიუჯეტიან ავიაკომპანიებთან კონკურენციას აგებდნენ.

პირველი კვარტლის შედეგების მიხედვით, გერმანული ავიაკომპანიის "ლუფტჰანზას" აქციების ფასი 19 პროცენტზე მეტად გაიზარდა, ფრანგულ-ჰოლანდიური "ეარ ფრანს-ქეი-ელ-ემის" აქციების ფასმა კი 37 პროცენტით მოიმატა, რაც ბოლო სამი წლის განმავლობაში, ყველაზე კარგი შედეგია.

რაც შეეხება ევროპულ დაბალბიუჯეტიან ავიაკომპანიებს - "რაიან ეარის" აქციები უმნიშვნელოდ, ხოლო "იზი ჯეტის" მხოლოდ 2.5 პროცენტით გაიზარდა.