რუსთავიდან ვარკეთილის მიმართულებით მოძრავი მიკროავტობუსის მძღოლები გაიფიცნენ.

„მოამბის“ კორესპონდენტის ინფორმაციით, გაფიცვის მიზეზი დღიური გადასახადის გაზრდა გახდა.

როგორც მძღოლები აცხადებენ, კომპანია „ინტერტრანსმა“ ყოველდღიური გადასახადი 10 ლარით გაზარდა.

მათივე ინფორმაციით, დღიური გადასახადი 70 ლარის ნაცვლად 80 ლარი გახდა.

კომპანია „ინტერტრანსში“ აცხადებენ, რომ ტარიფი არ გაზრდილა და მძღოლები ძველ ტარიფს დაუბრუნდნენ.

მათივე თქმით, ბოლო ოთხი თვის განმავლობაში მგზავრთა ნაკადის სიმცირის გამო მძღოლები შემცირებულ ტარიფს იხდიდნენ 70 ლარს, 80-ის ნაცვლად.

ხვალიდან კომპანია მზადაა მიკროავტობუსების მძღოლებთან მოლაპარაკებები დაიწყოს, თუმცა, ვერ აკონკრეტებენ, მოხდება თუ არა ტარიფის 70 ლარამდე შემცირება.