„ამიერიდან ტერორისტები ჩვენს ქვეყანაში მშვიდად ვერ იქნებიან. ისინი ან გადაუხვევენ მცდარი გზიდან, ან თურქეთის მიწებს დატოვებენ”, – ამის შესახებ რეჯეპ თაიპ ერდოღანმა მარდინის პროვინციაში სიტყვით გამოსვლისას განაცხადა.

პრეზიდენტის თქმით, სხვა შემთხვევებისთვის არსებობს არმია, პოლიცია და ჟანდარმერია, რომლებიც ტერორისტების გამოვლენაზე და მათ განადგურებაზე მუშაობენ.

ქვეყნის პრეზიდენტის თქმით, ძალები, რომლებიც პრობლემების გადასაჭრელად დაწყებულ დიალოგს ეწინააღმდეგებიან, განწირული არიან, მან მაგალითად „ქურთისტანის მუშათა პარტია’’ მოიყვანა და აღნიშნა, რომ თურქი ძალოვანები დღე და ღამე ებრძვიან ტერორიზმის გამოვლინებებს.