გამამტყუნებელი განაჩენი „ცენტრ პოინტის“ დამფუძნებლების მიმართ. ,,თაბუკაშვილი 88“-ის გარშემო თითქმის ოთხწლიანი სასამართლო პროცესი დასრულებულია.

რუსუდან კერვალიშვილი დარბაზიდან ციხეში გადაიყვანეს. მის მსგავსად 4-წლიანი პატიმრობა მიუსაჯეს მაია რჩეულიშვილსაც, რომელიც საცხოვრებელ კომპლექს ,,მაგნოლიას” ეპიზოდზე თვეებია წინასწარ პატიმრობაშია.

მენაშენეების კუთვნილი თანხების მითვისების და თაღლითურად დაუფლების ნაწილში ორივე ბრალდებული დამნაშავედ ცნეს. საუბარია ჯამში თითქმის 5-მილიონნახევარ დოლარზე და 20 მილიონ 700 000-მდე ლარზე.

პროკურატურა, ყველა დაზარალებულის დაკმაყოფილების სანაცვლოდ, საპროცესო შეთანხმების გასაფორმებლად მზად არის.

შეთავაზების მისაღებად საკუთარ პირობას აყენებს ბრალდებულთა ოჯახიც. ფინალური სხდომა ხმაურიანი აღმოჩნდა.