ე.წ. მოსმენების შესახებ კანონის გარშემო ახალი სამართლებრივი დავა იწყება. საკონსტიტუციო სასამართლოში შესატანად ერთდროულად რამდენიმე სარჩელი მზადდება.

ერთ-ერთის ავტორი კამპანია ,,ეს შენ გეხება” იქნება, რომელიც პროტესტის ფორმას აფართოებს და დავაში ჩართვას მოქალაქეებსაც სთავაზობს.

არასამთავრობო სექტორის, სახალხო დამცველის და ოპოზიციის ნაწილის მთავარი პროტესტი ვეტოდაძლეული კანონის იმ ნორმებს უკავშირდება, რომელთა მიხედვით, ფარულ მიყურადებაზე უფლებამოსილი ორგანო სუსს დაექვემდებარება.

მმართველი გუნდი პრეტენზიებს არ იღებს და, სააგენტოს დამოუკიდებლობის მიზნით, კანონში გათვალისწინებულ რამდენიმე გარანტიაზე საუბრობს.