რასელ უესტბრუკის 35-ე სამმაგი დუბლი NBA-ის მიმდინარე სეზონში.

ოკლაჰომას უკანახაზელმა, დღეს, დილით ფილადელფიასთან მოგებულ შეხვედრაში 18 ქულა 14 პასი და 11 მოხსნა გააკეთა.

ჩის პეიკ არენაზე გამართულ დაპირისპირებაში სითი თანდერმა პირველივე ტაიმში მოიპოვა სოლიდური ჰანდიკაპი.

მესამე მეოთხედის შემდეგ კი მასპინძელთა უპირატესობამ 25 ქულა შეადგინა.

საბოლოოდ, ოქესიიმ 122-97 გაიმარჯვა. ბილი დონოვანის გუნდი დასავლეთ კონფერენციაში ამ ეტაპზე მეექვსე ადგილზეა.

წააგო მოქმედმა ჩემიონმა კლივლენდ კავალიერსმა. ტაირონ ლიუს გუნდმა, დღეს, დილით, პეპსი ცენტრში დენვერ ნაგეტსთან დათმო მატჩი.

თამაში საოცრად მაღალშედეგიანი გამოდგა. ჯამში გუნდებმა 239 ქულა ჩააგდეს. პირველი ტაიმის შემდეგ, ნაგეტსმა 14 ქულიანი უპირატესობა მოიპოვა, რაც კოლორადოელებს თამაშის ბოლომდე აღარ გაუშვიათ ხელიდან.

მასპინძლებს ჰარისმა და ბარტონმა ულიდერეს. შესაბამისად, 21 და 20 ქულით. კლივლენდში 33 ქულა კაირი ირვინგმა ჩააგდო.

თამაშის საფინალო ანგარიშია 126-113 დენვერის სასარგებლოდ. კავალერები ამ წაგების მიუხედავად, აღმოსავლეთ კონფერენციაში პირველ ადგილს ინარჩუნებენ, თუმცა მოგაბეთა რაოდენობით, მათ ბოსტონ სელტიქსი გაუთანაბრდა.