ერთი წელი მასშტაბური ტერაქტიდან, რომელიც მოამბის ჟურნალისტის თვალწინ მოხდა.

ბრიუსელი 2016 წლის 22 მარტს დაღუპულებს იხსენებს. ზავენტემის აეროპორტში რამდენიმე წუთის ინტერვალით მომხდარი ორი აფეთქების შესახებ, მაშინ მსოფლიომ პირველი ინფორმაცია ქეთევან ქარდავას ფოტოებით მიიღო.

ჩვენი ჟურნალისტის ფოტოობიექტივში მოხვდნენ მოქალაქეები, რომლებმაც ტერორისტული აქტის დროს უმძიმესი დაზიანებები მიიღეს.

ტერაქტების თვითმხილველი ჟურნალისტი და დაზარალებულები ტრაგედიიდან ერთი წლისთავს ერთად ხვდებიან. უმძიმეს წუთებს ქეთი CNN-ის და BBC-ის ეთერშიც იხსენებს.

შეხვედრა ბელგიის სამეფო წყვილთან და დაღუპულთა ხსოვნისადმი მიძღვნილი მემორიალური დაფა: რამდენიმე წამში ბრიუსელიდან ქეთევან ქარდავას ჩავრთავთ.

ევროპის პოლიტიკურ ცენტრში მომხდარი ტერორისტული აქტებიდან ერთი წლის შემდეგ მსოფლიოსთვის ნომერ პირველი გამოწვევა ისევ ტერორიზმია. სწორედ უსაფრთხოებასა და ISIS-ის წინააღმდეგ მოქმედების ერთობლივ გეგმაზე მსჯელობენ ამ წუთებში ვაშინგტონში.

გლობალური კოალიციის კონფერენციას საქართველოს პირველი დიპლომატიც ესწრება. რამდენიმე წუთში გურამ როგავა ისაუბრებს ვაშინგტონიდან.

მანამდე კი ბრიუსელიდან ქეთევან ქარდავა.