ცხარე პოლიტიკური დებატები მოყვა პოლიციელების მისამართით გამოთქმულ ბრალდებებს პარლამენტში.

ოპოზიცია სამართალდამცველების მხრიდან, მოქალაქეებისთვის ნარკოტიკების ჩადების ფაქტების გახშირებაზე საუბრობს და პოლიტიკურ დევნაზე მიანიშნებს.

მმართველი გუნდი პოლიციის მხრიდან კანონდარღვევებს გამორიცხავს და ოპონენტებს მათი მმართველობის დროს დაზარალებულთა საჩივრებს ახსენებს.

პოლიციელების მისამართით ანალოგიური ბრალდებები ისმოდა შინაგან საქმეთა სამინისტროსთანაც, სადაც ბოლო პერიოდში ნარკოდანაშაულის გამო, დაკავებულთა ახლობლები შეიკრიბნენ.

„არა ჩადებას”-ამ ლოზუნგით გამართულ აქციას პრეზიდენტის შვილიც შეუერთდა.