ზუგდიდის 24-საათიანი წყალმომარაგებისთვის 85 მილიონი იხარჯება. პროექტის ფარგლებში შენდება წყალმომარაგების გამანაწილებელი ქსელი, სატუმბი სადგური და რეზერვუარები, ასევე - წყალმომარაგების მაგისტრალური მილსადენი.

პროექტს აზიის განვითარების ბანკი აფინანსებს. სამუშაოები, რომელზეც 150 ადამიანია დასაქმებული, 2018 წელს დასრულდება. წყალმომარაგების ცენტრალიზებული სისტემის სამშენებლო სამუშაოები დღეს პრემიერმინისტრმა, ინფრასტრუქტურის მინისტრთან ერთად დაათვალიერა.