გალში ინციდენტების პრევენციისა და მათზე რეაგირების მექანიზმის ფარგლებში მორიგი შეხვედრა გაიმართა.
საუბარი დრანდის ციხეში მყოფ გიორგი ლუკავასაც შეეხო. ინფორმაციას ამის შესახებ სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილე კახაბერ ქემოკლიძე ადასტურებს.
ადგილზე ლუკავას მეუღლე ლალი ბასარია იმყოფებოდა. მისი ცნონით, მეუღლე უკვე 55 დღეა, შეწყალებულია, თუმცა მისი გადმოცემა ვერ ხერხდება.
ქემოკლიძის განცხადებით, შეხვედრისას დე ფაქტო ხელისუფლების წარმომადგენლებმა ეს ინფორმაცია უარყვეს. მათივე თქმით, ლუკავას შეწყალება ან მისი გაცვლა არ იგეგმება.