რა წვლილი შეაქვს საქართველოს გლობალური უსაფრთხოებისა და სტაბილურობის განმტკიცებაში - ამ თემებზე მიხეილ ჯანელიძე ვაშინგტონში ისაუბრებს, სადაც ხვალ გლობალური კოალიციის კონფერენცია გაიხსნება.

საქართველოს პირველი დიპლომატი და სხვადასხვა ქვეყნის საგარეო საქმეთა მინისტრები სირიასა და ერაყში ისლამური სახელმწიფოს წინააღმდეგ წარმოებულ ოპერაციებს შეაფასებენ და სამომავლოდ საერთო გეგმის შემუშავებაზე იმსჯელებენ.

გლობალური კოალიციის წარმომადგენლები ვაშინგტონში ამერიკის სახელმწიფო მდივნის მიწვევით იმყოფებიან.