13 წლის წინ მომხდარი გახმაურებული მკვლელობის განხილვას ამჯერად სააპელაციო სასამართლო იწყებს. ზედა ინსტანციამ უნდა შეისწავლოს საქალაქო სასამართლოს გადაწყვეტილება, რომლის მიხედვით დავით ოთხმეზურის მკვლელობაში ბრალდებული უდანაშაულოდ გამოცხადდა.

მოკლულის ოჯახის გარდა, წინა ინსტანციის განაჩენს აპროტესტებს პროკურატურაც, რომელიც ასლან ბეჟანიძის ბრალეულობის დამტკიცებას ახალი მტკიცებულებებით შეეცდება. მათ შორისაა იმ მოწმის ჩვენება, რომელიც საქალაქო სასამართლომ დაუშვებლად ცნო.