ახალი გარემოებები ხდება ცნობილი 2011 წლის 26 მაისის აქციის ერთ-ერთ ორგანიზატორზე. საქმე ეხება შალვა ოგბაიძის ცემის ფაქტს.

,,მოამბის” ინფორმაციით, დაზარალებული 6 წლის წინ საავადმყოფოში მძიმე დაზიანებებით მოხვდა, ციხეში გადაყვანის თავიდან ასაცილებლად კი ახლობლებმა ის სამედიცინო დაწესებულებიდან ფარულად გაიყვანეს.

ფაქტს თავად ოგბაიძეც ადასტურებს. არსებობს რამდენიმე მოწმეც. მათ შორის დიმიტრი ლორთქიფანიძე, რომელიც უკვე დაკითხეს. კიდევ ერთი დეტალი - არ არის გამორიცხული, რომ აქციის ერთ-ერთი ორგანიზატორის ცემის გამო, ერთ-ერთი ყოფილი ძალოვანის დაკავების მოთხოვნით პროკურატურამ ინტერპოლსაც მიმართოს.