უზენაესი სასამართლოს მოსამართლეების კანდიდატურებს პრეზიდენტი აღარ წარადგენს. საკითხზე დისკუსია საკონსტიტუციო კომისიის ფარგლებში გაიმართა.

კონსტიტუციონალისტ ვახუშტი მენაბდის განმარტებით, ვენეციის კომისიის დასკვნის მიხედვით, კანდიდატების შერჩევის პროცესში უნდა ჩართულიყო იუსტიციის უმაღლესი საბჭო.

მისივე თქმით, შეხვედრაზე გამოითქვა მოსაზრება, რომ პრეზიდენტის ეს უფლებამოსილება არ შემცირებულიყო, უბრალოდ, იუსტიციის უმაღლესი საბჭო დამატებოდა. თუმცა უმრავლესობაში ამ მოსაზრებამ მხარდაჭერა ვერ მიიღო.