ევროკავშირის მომხმარებელთა უფლებების დაცვის ორგანო "გუგლს", "ფეისბუქსა" და "ტვიტერს" მომხმარებელთა უფლებების დარღვევაში ადანაშაულებს და ერთი თვის განმავლობაში, მომსახურების პირობების გაუმჯობესებას სთხოვს.

წინააღმდეგ შემთხვევაში, კომპანიები სოლიდურ ჯარიმებს გადაიხდიან. "როიტერის" ცნობით, გასული წლის დეკემბერში უწყებამ კომპანიებს შესაბამისი შეტყობინება გაუგზავნა.

გუშინ კი კომპანიებმა ევროკავშირის შესაბამის ოფიციალურ პირებთან ერთად აღნიშნული პრობლემების გადაჭრის გზები განიხილეს, რის შემდეგაც გადაწყდა, რომ პრობლემები ერთ თვეში უნდა აღმოიფხვრას.